رابط تحديث السكن للرعاية الاجتماعية 2025: دليلك الشامل لتحديث بياناتك عبر منصة مظلتي
اليوم هيئة الحماية الاجتماعية بالعراق أعلنت عن خطوة مهمة تخص كل المستفيدين من برامج الرعاية، واللي لازم يحدثون بياناتهم الشخصية، خصوصاً عنوان السكن ورقم الهاتف. الغرض من هاي الخطوة هو ضمان وصول الدعم لمستحقيه من دون مشاكل، وتسهيل التواصل بين الهيئة والمستفيدين. فإذا ما سويت تحديث بياناتك، ممكن تواجه تأخير أو إيقاف بصرف المخصصات بسبب معلومات قديمة.
الهيئة دعت بشكل رسمي كل الأشخاص اللي مغيرين محل سكنهم أو رقم تليفونهم يدخلون على منصة "مظلتي" ويثبتون بياناتهم الجديدة. العملية ما تاخذ وقت طويل، كلها دقائق بسيطة، بس لازم تتأكد من المعلومات اللي تكتبها حتى تكون صحيحة وما تواجه أي خلل.
طريقة التحديث سهلة: أول شي تدخل على المنصة من الرابط الرسمي، بعدها تختار خدمة "تحديث عنوان السكن"، تكتب الرقم الوطني من بطاقتك الوطنية، وراح تطلع بياناتك المسجلة. تنزل لأسفل الصفحة وتلقى مكان تحديث البيانات، هناك تكتب عنوانك الجديد بالتفصيل (المحافظة – القضاء – الناحية – اسم المحلة – اسم الحي) ومعاها رقم الموبايل الجديد. بعد ما تراجع كلشي وتتأكد، تضغط على زر "تحديث" وتكمل العملية.
خدمة التحديث مجانية تماماً، ماكو أي رسوم، ومفتوحة لكل المستفيدين. وما تحتاج تجيب أي أوراق غير بطاقتك الوطنية حتى تطلع الرقم الوطني. إذا صادفتك مشكلة تقنية، تگدر تعيد تحميل الصفحة أو تجرب متصفح ثاني، وإذا بقت المشكلة، تراجع أقرب دائرة للحماية الاجتماعية بمنطقتك.
رابط تحديث البيانات موجود بشكل رسمي ضمن منصة مظلتي، وتكدر تدخل مباشرة وتكمل التحديث من خلال هذا الرابط:
اضغط هنا لتحديث بيانات السكن للرعاية الاجتماعية
القرار هذا خطوة حقيقية لتسهيل الأمور وضمان استمرار صرف الرواتب والدعم لكل العوائل المستفيدة. ولهذا ننصح الكل يسرع ويسوي التحديث حتى يتجنب أي مشاكل مستقبلية.
ولكل من يريد يتابع آخر الأخبار والتعليمات أول بأول، تگدرون تتابعوني من خلال صفحتي الرسمية على فيسبوك حتى توصلكم التحديثات بشكل مباشر:
https://www.facebook.com/iqmbd
مدون ويب ✨
جيد
ردحذف