تطبيق عين العراق للغرامات المرورية في العراق
هواي ناس تسأل، شلون أعرف الغرامات اللي على سيارتي، خصوصًا إذا كانت أرقامها صادرة من أربيل أو باقي المحافظات؟ وخصوصًا بعد ما صارت هواي مخالفات تسجّل على السيارات بدون ما ينتبه لها صاحب المركبة. ولهذا السبب، إجينا اليوم نحجيلكم عن تطبيق عين العراق الرسمي، اللي وفرته مديرية المرور العامة لمعرفة الغرامات المرورية سواء الحديثة أو القديمة، للسيارات بكل أنواعها.
هالتطبيق صار حل مثالي وسريع بدل ما تراجع المكاتب أو تضيع وقتك تنتظر، كل اللي عليك تسويه هو تنزل التطبيق على تلفونك، تدخل رقم السيارة، ورح تظهرلك كل تفاصيل الغرامات اللي مسجلة على رقمك، سواء كان جديد أو قديم، عادي أو خصوصي.
بالنسبة للي يسكنون بإقليم كردستان، مثل أربيل أو السليمانية أو دهوك، فهواي سائلونا: شلون أعرف الغرامات على رقم أربيل؟ حسب التحديث الأخير، الغرامات الخاصة بأربيل حاليًا ما تظهر ضمن بيانات تطبيق عين العراق، لكن باقي المحافظات متوفرة بكل التفاصيل.
إذا تحب تنزل تطبيق عين العراق لمعرفة وتسديد الغرامات المرورية، تقدر تحمّله من الرابط الرسمي الموجود هنا:
اضغط هنا لتحميل تطبيق عين العراق
لا تنسى تتأكد دائمًا من الغرامات، خصوصًا قبل بيع السيارة أو نقل الملكية، لأن أحيانًا تكون أكو غرامات قديمة ما تدري بيها، وهالشي يسببلك مشاكل بالتسجيل أو المعاملة.
وإذا عندك أي استفسار، أو تحب تعرف أكثر عن تطبيقات المرور أو الخدمات الإلكترونية، تابع موقعنا "مدون ويب"، ننقل إلك الأخبار أول بأول وبشكل موثوق، ومحدث من مصادر رسمية.