قائمة بدرجات الحرارة لكل محافظة.. يومين حُـر يقتحمون ما باقي من "آب المعتدل"
خرائط الطقس تبين إن الجو راح يبقى معتدل بالعراق لنهاية هالأسبوع، بعدها يصير ارتفاع مؤقت بالحرارة لمدة يومين بس، وبعدين ترجع الأجواء طبيعية وممكن نشوف أمطار بالأسبوع الأخير من الشهر.
🔹 المختصين أكدوا إن العراق بعده متأثر بكتلة هوائية معتدلة خلت درجات الحرارة تنخفض خصوصًا بالشمال والغربية، بينما الوسط يسجل أجواء صيفية اعتيادية بين 41 – 44، والجنوب شوي أعلى خصوصًا البصرة اللي راح توصل بيها الحرارة 48 درجة مئوية.
أما الشمال، فدرجات الحرارة تتراوح من 40 – 43، يعني أقل حدة من باقي المناطق.
💨 ومع قرب نهاية آب ودخول أيلول، الأجواء تبدأ تميل أكثر للاعتدال، وتظهر نسمات باردة بالليل والصبح الباكر، لأن الشمس تبدي تميل للجنوب ويضعف الإشعاع الشمسي ويطول الليل، وهذا دليل إن الصيف ديتهيأ حتى يودعنا.
📌 هيئة الأنواء الجوية تتوقع إن الأسبوع الأخير من الشهر يشهد كتلة معتدلة جاية من تركيا والشام، وممكن تتطور لمنخفض جوي قوي يسبب أمطار ببعض المناطق قبل أو بداية أيلول.