أعلنت هيئة رعاية ذوي الإعاقة والاحتياجات الخاصة في بغداد، اليوم الأحد، عن أسماء المواطنين اللي عدهم قرارات طبية صادرة سنة 2019، واللي مشمولين بإجراءات المشاهدة السنوية لسنة 2025.
المراجعة راح تكون يوم الاثنين 2025/8/4، والمعين المتفرغ لازم يراجع قسم الهيئة حسب مكان سكن صاحب القرار، وبالاعتماد على الجداول اللي تم إعلانها.
وهي تفاصيل أماكن المراجعة:
- الساكنين بجانب الكرخ يروحون على قسم الهيئة بـ البياع / مدينة الذرى / مقابل البيع المباشر للسيارات.
- الساكنين بجانب الرصافة يراجعون قسم الهيئة بـ الأعظمية / يم مستشفى النعمان.
- الساكنين بمدينة الصدر يراجعون دائرة التأهيل ضمن مجمع وزارة العمل والشؤون الاجتماعية.
الهيئة أكدت إنو المشاهدة راح تصير أونلاين (مكالمة فيديو)، ومراح يحتاج يحضر الشخص المعاق نفسه، فقط المعين المتفرغ هو اللي يراجع.
وانبّهت الهيئة إنو التخلّف عن المراجعة بوقتها يعتبر مخالفة، وممكن يسبب إيقاف الراتب مؤقتًا لحين إكمال الإجراءات.
المستمسكات المطلوبة عند المراجعة:
- المستمسكات الأصلية ونسخة مصورة للمعاق والمعين
- صورة شخصية جديدة لكل واحد منهم
- نسخة من القرار الطبي
- بطاقة الماستر كارد الخاصة بالمعين المتفرغ
👈 لمعرفة باقي التفاصيل والأسماء، راجع الجداول اللي أعلنتها الهيئة.
📌 ملاحظة مهمة: إذا نزلت أسماء جديدة أو صارت تحديثات تخص المشاهدة أو بقية المحافظات، راح نخبركم بيها أول بأول على صفحتنا الرسمية بالفيسبوك.
🔗 تابعنا من هنا:
https://www.facebook.com/iqmbd
تحياتي إلكم
مدون ويب
