أكثر من 5100 عائلة من ذوي الشهداء ما مستلمة لحد الآن قطع أراضٍ سكنية
كشفت القوائم الرسمية عن وجود أكثر من (5100) عائلة من ذوي الشهداء، من فئات شهداء جرائم البعث، وشهداء الحشد الشعبي، وضحايا العمليات الإرهابية، لحد هسه ما مستلمين أي قطعة أرض سكنية، رغم مرور سنوات على استحقاقهم القانوني.
وحسب التقديرات، العدد الحقيقي للمستحقين أكبر بواية من الرقم المعلن، وهذا يخلينا نوقف ونسأل: ليش لحد الآن ما تم حسم هذا الملف الإنساني؟ المؤسسة أوضحت إنها من زمان خاطبت كل المحافظات، ومنها محافظة البصرة، ورفعت القوائم الرسمية بالأسماء، وكانت مستعدة للتعاون، بس للأسف ما كان اكو تجاوب كافي.
المؤسسة هم قالت إنو تجيها مناشدات من ناس كثيرين من أهالي البصرة، خصوصًا اللي يعرفون نفسهم مستوفين للشروط، لكن ما نزلت أسماؤهم بأي وجبة توزيع، ولهذا الغرض تم نشر هاي القوائم حتى يعرف الكل شنو اللي صاير.
راح يتم نشر باقي القوائم تباعاً على الصفحات والمنصات الرسمية للمؤسسة، خصوصًا المحافظات اللي تلكأت أو تأخرت بحسم التوزيع، حتى يصير كلشي واضح للناس، والضغط الشعبي يساعد بالإسراع بالحل.
من جهة ثانية، المؤسسة شكرت محافظة المثنى على استكمالها توزيع الأراضي لكل فئات الشهداء هناك، وقالت إنو هذا التصرف يدل على تقدير حقيقي لتضحيات الشهداء وعوائلهم.
اسماء ذوي شهداء لم يستلموا قطع اراضي
وأخيراً، في حال تم الإعلان عن أسماء المشمولين في باقي المحافظات، راح نبلغكم مباشرة من خلال صفحتنا الرسمية، وتكدرون تتابعون كل جديد من خلال:
🔹 صفحتنا على فيسبوك: https://www.facebook.com/iqmbd